Ermir Lenjani ka vazhduar shkëlqimin në kampionatin zviceran me Sionin.
Mbrojtësi shqiptar që në ndeshjet e fundit po luan më i avancuar ka bërë një paraqitje të jashtëzakonshme në takim ndaj Grasshoppersit.
Anësori ka bërë dy asistime ndaj Grasshoppersit, ndeshje që nuk përfundoi deri në fund. Ndeshja u ndërpre në minutën e 49 pasi tifozët mysafirë të pakënaqur me skuadrën e tyre krijuan probleme në fushë.
Ishte minuta e 21-të e ndeshjes kur Lenjani goditi bukur drejt golit, ndërsa në fund Uldrikis e dërgoi topin në rrjetë për 1-0. Pasi kaluan 30 minuta lojë, Ermiri e bëri edhe asistimin e dytë në këtë sfidë kur pasoi tek Pajtim Kasami që shënoi për 2-0.
FC Sion vs Grasshoppers in the Swiss League . Game abandoned. 🔥👩🚒🔥👩🚒#SionGC #football pic.twitter.com/jm2azhUGeG
— Sports Freakshow ⚽🏈🏉🏀⚾🏏 (@aussiebeastmode) March 16, 2019
Me këto dy asistime Lenjani i ka dërguar një sinjal trajnerit italian Christian Panucci për mos ftesën për dy ndeshjet e radhës të Kombëtares së Shqipërisë.
Ylli shqiptar po kalon nëpër super formë pasi deri më tani ka shënuar tre gola dhe ka bërë nëntë asistime.
Mos grumbullimi i Lenjanit ka qenë befasia më e madhe në listën e Panuccit, ndërsa KËTU mund të shikoni asistimet e Lenjanit dhe golin e Kasamit. /Telegrafi/