Golden State Warriors kanë barazuar serinë finale të “playoff” të NBA-së kundër Toronto Raptors.
Megjithatë, “Luftëtarët” nuk mund të jenë të lumtur për shkak se ekipi tashmë i është shtuar edhe një lojtar i lënduar.
Në mënyrë të veçantë tashmë nuk dihet situata e Klay Thompsonit, i cili përfundoi ndeshjen tetë minuta para fundit për shkak të një lëndimi.
Klay Thompson is not worried about injuries. 🙏💦#DubNation #Warriors pic.twitter.com/5HVmgXIZoU
— Warriors Nation (@WarriorNationCP) June 3, 2019
Ai dëshironte të luante, por mbeti në parket më shumë se tri minuta, por kur dhimbja u bë e padurueshme, kërkoi zëvendësimin dhe çaloi gjersa shkoi drejt zhveshtores.
Mbetet të shihet nëse do të jetë i gatshëm për takimin e tretë, por përfundimisht do të dihet pas ekzaminimeve mjekësore.
Ndryshe, Kevin Durant tash e sa kohë është i lënduar, por pritet të jetë i gatshëm për takimin e katërt. /Telegrafi/