Mesfushori sulmues i Real Madridit, Marcos Asensio ka pësuar një dëmtim mjaft të rëndë në ndeshjen ndaj Arsenalit.
Sulmuesi u aktivizua në pjesën e dytë të takimit dhe në minutën e 58’ ku shënoi golin e barazimit për 2-2.
Po pas pak minutash ai mori një dëmtim të rëndë. Klubi e ka konfirmuar se Asensio, ka këputur ligamentin në gjurin e majtë dhe ka nevojë për të paktën 6 muaj pushim.
🔍 Parte médico de Asensio.#RealMadrid
— Real Madrid C.F. (@realmadrid) July 24, 2019
Ky dëmtim ndryshon edhe planet e Real Madridit për këtë afat kalimtar.
Tashmë Zinedine Zidane mund të vendosë që të mbajë në skuadër James Rodriguez, i cili kërkohet nga Napoli dhe Atletico Madridi.
Asgjë nuk ndryshon ndërkohë sa i përket Gareth Bale, që duhet të largohet këtë verë.
Rodrygo duket së është përshtatur mirë te Reali dhe edhe ky me gjasa të mëdha do të qëndrojë. /Telegrafi/