Franco Foda ka dalë në konferencë për shtyp për të folur para ndeshjeve të muajit nëntor.
Kosova do të përballet me Rumaninë dhe Lituaninë, ku fillimisht më 15 nëntor luan në Bukuresht dhe tre ditë më vonë presin lituanezët në ‘Fadil Vokrri’.
Për këto ndeshje do të mungojnë emra si Milot Rashica, Leart Paqarada dhe Bersant Celina të cilët pësuan lëndime në fundjavë.
Për të lënduarit janë ftuar lojtarët si Zymer Bytyqi, Art Smakaj dhe Leard Sadriu.
“Fatkeqësisht kësaj radhe i kemi disa lëndime, nuk e kemi në dispozicion Milot Rashicën, Leart Paqaradën dhe Bersant Celinën. Me ekipin do të bashkohen Zymer Bytyqi dhe Art Smakaj”, deklaroi Foda.
“Nën drejtimin tim për herë të parë do t’i kemi dy futbollistë të rinj si Leard Sadriu dhe Baton Zabërgja”, tha Foda. /Telegrafi/