Ministri i Infrastrukturës, Pal Lekaj, ka demantuar zërat për anulimin e tenderit të rrugës Prishtinë – Gjilan – Dheu i Bardhë.
“Mund të konfirmojë se nuk është aspak i saktë dhe për më tepër është i ngarkuar nga tensioni i fushatës elektorale. Ministria e Infrastrukturës ashtu si e tërë qeveria dhe kryeministri i saj, Ramush Haradinaj janë të interesuar që ky projekt të ndodhë dhe posa të përfundojnë procedurat që nuk janë më të Ministrisë por të organeve tjera, ne do të veprojmë konform ligjit dhe sipas nevojave të qytetarëve, në këtë rast të Anamoraves”, thuhet në reagimin e ministrit Lekaj, transmeton Telegrafi.
“Pra duke ju thënë qytetarëve të Gjilanit dhe të tjerëve për rreth, që të mos shqetësohen nga sa lexojnë e dëgjojnë agjenda elektorale, ne zotohem se ky projekt do të materializohet me fillim nga viti i ardhshëm”, ka thënë Lekaj, në reagimin, dërguar mediave. /Telegrafi/