Leigh-Anne Pinnock ka thyer heshtjen e saj për dasmën me Andre Gray dhe ka ndarë një album fotografik mahnitës nga ceremonia e tyre.
Këngëtarja e “Little Mix” konfirmoi se u martua me futbollistin Andre në një ceremoni në plazh në Xhamajka, e rrethuar nga miqtë dhe familjarët.
Ylli i pop-it në postim zbuloi se çifti kurorëzuan dashurinë më 3 qershor.
“Unë u martova me shpirtin tim binjak”, shkroi 31-vjeçarja së bashku me një emoji me zemër të kuqe.
Fotot e Leigh-Anne tregojnë çiftin nën një ekspozitë me lule në formën e një palme.
Këngëtarja e hitit “Sweet Melody” zgjodhi një fustan nusërie që përmbante një korse rrjetë të tejdukshme të mbuluar me rruaza të bardha.
Ajo i la flokët mbrapa në një topuz dhe veshi një vello të madhe, duke treguar veshjen madhështore në fotot me Andre, i cili zgjodhi një xhaketë të bardhë dhe pantallona të zeza.
Leigh-Anne u fejua me Andre në përvjetorin e tyre katërvjeçar në 2020. Çifti janë bashkë që nga viti 2016.
Andre njoftoi lajmin emocionues, me Leigh-Anne duke treguar unazën e saj mahnitëse në një foto të ëmbël në Instagram.
Dhe dasma romantike erdhi tre ditë përpara se Leigh-Anne të publikonte muzikën e saj të parë solo. /Telegrafi/
