Telegrafi

Leicester City refuzon ofertën e dytë të Newcastle për Maddison

Leicester City ka refuzuar një ofertë të dytë nga Newcastle United për mesfushorin me tipare sulmuese, James Maddison.

Mesfushori me tipare sulmuese është një objektiv kyç për Laraskat, me anglezin që thuhet se favorizon një lëvizje në klubin nga St. James’ Park.

Megjithatë, Newcastle nuk po arrin të bind Leicesterin edhe përkundër dy ofertave të bëra për anglezin.

Sipas mediumit Sky Sports, propozimi i fundit nga Newcastle është pak më i lartë se 40 milionë funte apo rreth 48 milionë euro.

Leicester City vlerëson numrin 10 afër 60 milionë funte apo rreth 72 milionë euro, duke pasur parasysh se ai është përmirësuar shumë që kur nënshkroi nga Norwich City në vitin 2018 për 24 milionë funte (rreth 29 milionë euro).

Maddison shënoi 18 gola dhe dha 12 asistime në 53 ndeshje në të gjitha garat për klubin sezonin e kaluar.

Nëse Newcastle do ta përfundonte këtë nënshkrim, ai do të bëhej lojtari i tyre më i shtrenjtë ndonjëherë. /Telegrafi/