Kofi Kingston e ka mbështetur legjendën e UFC-së, Jon Jones, që ta fillojë karrierën në WWE.
Duke folur për TMZ, kampioni i WWE ka thënë se 31-vjeçari ka të gjithë gjërat që të jetë i suksesshëm në sportin tjetër luftarak.
“Ai (Jon Jones) është më i miri i të gjitha kohërave. Ka lëvizjet dhe gjatësinë që të jetë i suksesshëm. Nga ajo se çfarë shoh, ai ka gjënë e duhur”, ka thënë 37-vjeçari.
“Mendoj se shumë tifozë do ta adhuronin futjen e tij në WWE. Kur e shikon një njeri që t’i kalon limitet në sport, është gjëja më e mirë që mund të shikoni”.
“Sa persona janë tifozë në WWE, sa persona vijnë ta shikojnë një përballje argëtuese dhe të luani ju një rol. Floyd Mayweather është një emër tjetër që duhet të vije patjetër në WWE”, ka shtuar më tej Kingston.
37-vjeçari e ka fituar WWE Championshipin në WrestleMania 35 në prill të këtij viti, derisa është duke u munduar që ta rritë edhe më shumë brendin e SmackDown. /Telegrafi/