Legjenda e Liverpoolit, Jamie Carragher ka thënë se drejtuesit duhet të blejnë këtë verë për të qëndruar në krye të tabelës edhe sezonin e ardhshëm.
Ish-mbrojtësi anglez këmbëngul se zona të caktuara të skuadrës duhet të forcohen në afatin e verës, pasi ekipi ka nevojë të kompletohet edhe më shumë.
“Gjëja kryesore është të fitosh përsëri. Nuk do të thosha “një titull nuk është i mjaftueshëm” pasi nuk jam besimtar i madh për të thënë që duhet ta bësh këtë ose atë. Nëse dominoni një sezon dhe thoni që keni qenë skuadra më e mirë në ligë atë sezon është fundi i historisë”, ka thënë fillimisht Carragher për Liverpool Echo.
“Tani në sezonin e ardhshëm, gjërat ndryshojnë. Njerëzit blihen, lojtarët shiten. Është një kampionat tjetër. Tani nuk mendoj se vetë Liverpooli do të shkojë në tregun e transferimeve dhe do të jetë vetëm vitin e ardhshëm”.
“Por, shumica e arsyeve janë financiare në gjendjen në të cilën gjendemi tani, kështu që ju nuk mund të jeni shumë kritik ndaj klubit në atë rezultat. Por, unë mendoj se ata ndoshta mund të shtojnë një tjetër talent sulmues në treshen e sulmit. Dhe ndoshta një lloj rezervë për Andy Robertson”.
“Ata janë të pajisur mirë në mesfushë dhe qendër të mbrojtjes. Mendoj se Neco Williams do të jetë një mbulesë e shkëlqyeshme për Trent Alexander-Arnold dhe unë thjesht mendoj se një sulmues shtesë dhe ndoshta zëvendësime kokë më kokë nëse Lallana dhe Shaqiri largohen”.
“Por, unë jam i bindur që Liverpooli mund të bëjë përsëri atë që kanë bërë këtë sezon”, përfundoi legjenda e Reds. /Telegrafi/