Leganes ka befasuar Barcelonën në javën e gjashtë të La Ligas duke fituar me rezultat 2-1.
Golin e vetëm për katalunasit e shënoi Philippe Coutinho në minutën e 12-të, ndërsa pas pak minutash Lionel Messi kishte shans të mirë për gol.
Në minutën e 45-të vendasit kishin mundësi të mirë të barazonin rezultatin me anë të Oscar, por Marc-Andre ter Stegen bëri një pritje vendimtare.
Të motivuar nga kjo Nabil El Zhar (52′) dhe Oscar (53′) i dhanë epërsi vendasve me dy gola të shpejtë.
Në vazhdim katalunasit tentuan të shënojnë, por nuk ia arritën të tundin rrjetën e portës së Ivan Cuellar.
Aktualisht Barcelona vazhdon në vendin e parë me 13 pikë, kurse Leganes ngjitet në vendin e 13-të me katër pikë.
Ndeshja e ardhshme e Barçës është kundër Athletic Bilbaos, kurse Leganes ndaj Real Betisit. /Telegrafi/