Reperi i njohur Ledri Vula ka sjellë për fansat e tij këngën më të re, “Vet te dhoma”, e cila u publikua sot në orën 18:00.
Ky projekt shënon një moment të rëndësishëm në karrierën e tij, pasi është kënga e parë e publikuar nga albumi i tij i ardhshëm, duke i dhënë një shije të parë asaj që pritet të vijë.
Përmes një postimi në Instagram, Ledri ka ndarë emocionet dhe entuziazmin e tij për këtë publikim, duke ftuar fansat që ta dëgjojnë këngën dhe të zbulojnë atmosferën që do të sjellë albumi.
“Vet te dhoma” tashmë është e disponueshme në të gjitha platformat muzikore, dhe pritet të jetë një tjetër hit në repertorin e pasur të reperit.
Kënga sjell ritme moderne dhe një tekst që reflekton stilin unik të Ledrit, duke e bërë menjëherë të pëlqyeshme nga publiku.
Me këtë projekt, ai vazhdon të konfirmojë pozicionin e tij si një nga artistët më të suksesshëm të skenës shqiptare. /Telegrafi/