Në sheshin “Skënderbeu” në Prishtinë është duke u mbajtur koncerti madhështor për nder të festës së Pavarësisë së Kosovës.
Para fillimit në ekran ishte shfaqur bashkëpunimi i ri i artistëve nga Kosova me këngën kushtuar vendit të tyre.
Me rastin e dhjetëvjetorit të Pavarësisë së Kosovës është realizuar ky projekt muzikor që është sponsorizuar nga Presidenca e Republikës.
Kënga është realizim i Yll Limanit, Lind Islamit, Yllka Kuçit dhe Adelina Thaçit.
Më pas, në skenë ka dalë autori i shumë hiteve, Ledri Vula.
Reperi, i cili e ka nisur performancën e tij me hitin “Kings” dhe ka vazhduar me “Krejt shokt e mi”, “SRMN” e të tjera, e ka nxehur atmosferën para shfaqjes së yllit kryesor të mbrëmjes.
“Më shumë se i lumtur për të festuar dhjetëvjetorin e shtetit tonë”, ka thënë Ledri me këtë rast duke kërkuar nga publiku që të thonë dhjetë pasi ai thoshte Kosova.
Më pas reperi ka vazhduar me interpretimin e hiteve të tij të shumta duke i përfshirë edhe bashkëpunimet me artistët tjerë. /Telegrafi/
