Los Angeles Lakers kanë vazhduar shkëlqimin edhe në finalen e madhe të NBA-së.
Skuadra nga Kalifornia ka marrë edhe fitoren e dytë në finale, teksa ka mposhtur Miamin me 10 pikë diferencë 124:114.
LeBron James dhe Anthony Davis kanë vazhduar shkëlqimin edhe në këtë sfidë, ku të dy së bashku kanë shënuar 65 pikë.
James ishte i pandalshëm me 33 pikë, nëntë kërcime e nëntë asistime, teksa Davis kontribuoi me 32 pikë e 14 kërcime.
What a duo. #LakersWin pic.twitter.com/BnWKc8NKSM
— Los Angeles Lakers (@Lakers) October 3, 2020
Me lojë të mirë u dallua edhe fundori Rajon Rondo që shtoi 16 pikë, ndërsa shtoi edhe 10 asistime.
Ndërsa me pikë dyshifrore e përfunduan takimin edhe Caldwell-Pope dhe Kyle Kuzma që kontribuan me nga 11 pikë.
Heat pati dy mungesa të mëdha këtë mbrëmje, pasi nuk luajtën Goran Dragic dhe Bam Adebayo për shkak të lëndimeve.
Rondo stays a few steps ahead 👀
(📺: ABC) pic.twitter.com/y3JhsLpVfa
— Los Angeles Lakers (@Lakers) October 3, 2020
Jimmy Butler me 25 pikë, tetë kërcime e 13 asistime ishte më efikasi tek ta, ndërsa Olynyk përfundoi takimin me 24 pikë.
Lakers tani udhëheqin 2-0 në serinë finale, ndërsa ndeshja e tretë zhvillohet të dielën pas mesnatës. /Telegrafi/