Sipas La Gazzetta dello Sport, Lille ka paguar një gjobë prej 22 milionë eurosh te Sporting Lisbona, kështu që Rafael Leao ka nënshkruar një zgjatje të kontratës me Milanin deri në vitin 2028.
Gazeta italiane shkruan se Leao ka nënshkruar një zgjatje të kontratës katërvjeçare me kuqezinjtë. Marrëveshja e tij e mëparshme do të skadonte në qershor të 2024.
Edhe mediumi i njohur The Athletic konfirmon se kontrata është nënshkruar nga palët.
Leao, finalmente il rinnovo! Rafa si lega al Milan fino al 2028. Di @carlolaudisa https://t.co/LEqG4cHJMs
— La Gazzetta dello Sport (@Gazzetta_it) May 10, 2023
Leao nënshkroi marrëveshjen e re pasi Sporting mori 22 milionë euro nga Lille. Kjo ishte shuma që i detyrohej palës portugeze pasi Leao u largua nga klubi duke ndërprerë kontratën e tij në vitin 2018 pa pëlqimin e klubit.
Leao do të fitojë 7 milionë euro në sezon plus 2 milionë euro bonuse, ndërsa klauzola e tij e re e lirimit do të jetë më e lartë se 150 milionë euro që është aktualisht.
23-vjeçari dëshironte shumë të qëndronte në San Siro dhe refuzoi ofertat nga Chelsea dhe Real Madrid.
Leao u bashkua me shokët e tij të skuadrës në hotelin e Milanit të mërkurën, por nuk ka gjasa të jetë i disponueshëm për ndeshjen e parë gjysmëfinale të Ligës së Kampionëve kundër Interit. /Telegrafi/