Sekretari i përgjithshëm i Lidhjes Demokratike të Kosovës, Ismet Beqiri i shoqëruar nga Kryetarja e FG LDK-së Lirije Kajtazi pritën në takim Samuel Paice, Shef i Seksionit të Demokratizimit dhe Sundimit të Ligjit në Ambasadën e Britanisë në Prishtinë.
“Kryetarja e Forumit të Gruas të LDK-së i uroi mirëseardhje, shprehu mirënjohje dhe falënderime. Ne jemi mirënjohës për çdo investim të Mbretërisë së Bashkuar për Kosovën e posaçërisht në ditët e veçanta si kjo e intervenimit të NATO-s në vitin 1999, por falënderimi i veçantë i shprehu për angazhimin e tyre për zbardhjen e fatit të pagjeturve në Kosovë.
Samuel Piece, Shef i Seksionit të Demokratizimit dhe Sundimit të Ligjit në Ambasadën e Britanisë në Prishtinë potencoi se përfshirja e Britanisë së Madhe në Fushatën e NATO-s në vitin 1999 ishte një gurëthemel i mbrojtjes e sigurisë, ishte vendimtare për lirinë e Kosovës”, thuhet nw njoftimin pwr media.
Beqiri e informoi për rrjedhat politike në vend dhe me rezultatet e arritura të LDK së në proceset zgjedhore në vend. Shprehu falënderime për Mbretërinë e Bashkuar për kontributin që është duke e dhënë në Kosovë.
Paice premtoi vazhdimin e përkrahjes në proceset integruese të Kosovës. Kryetarja e Forumit të Gruas i dhuroi një Mirënjohje në shenjë falënderimi për Mbretërinë e Bashkuar për ruajtjen e paqes dhe demokratizimit. /Telegrafi/
