Analistët kanë kritikuar mospjesëmarrjen e përfaqësuesve të Lidhjes Demokratike të Kosovës në ceremoninë komemorative dhe ceremoninë e varrimit të veprimtarit Adem Demaçi.
Analisti Dastid Pallaska ka shkruar në Facebook se Adem Demaçi sot meriton vetëm nderim.
Ndërsa, mos-pjesëmarrja e LDK-së në varrimin e tij është gabim po aq sa ishte gabim edhe refuzimi i Gardës së TMK-së për të marrë pjesë në varrimin e Ibrahim Rugovës.
Kurse, analisti tjetër, Imer Mushkolaj ka shkruar se Adem Demaçi sfidoi një shtet si Jugosllavia dhe për Kosovën, për idealet e tij kaloi 28 vjet në burg.
“Sot gjenden të atillë që Demaçin e quajnë monstrum, vetëm pse ai ua paska kritiku kryetarin. Kryetarin që lidhje me idealizmin nuk kishte”, ka shkruar ai, përcjell Telegrafi