LDK përmes një konference për media ka kërkuar nga KQZ që të zbatohen të gjitha vendimet e institucioneve të drejtësisë për certifikimin e kandidatëve dhe subjekteve politike për zgjedhje.
LDK ka bërë kritika ndaj Zyrës për Certifikimin dhe Regjistrimin e Partive Politike, pasi sipas tyre ata nuk po zbatojnë vendimin e Këshillit Gjyqësorë të Kosovës.
“Vendimet e institucioneve të drejtësisë duhet të zbatohen në tërësi dhe pa asnjë përjashtim”, deklaroi Ardita Dushi nga LDK në një konferencë për media, përcjell Telegrafi.
LDK thotë se asnjë parti politike dhe asnjë kandidatë nuk është mbi ligjin.
“Ky parim duhet të vlejë për të gjitha subjektet politike”.
LDK thotë se janë “të papranueshme sulmet ndaj kryetares së KQZ-së, Valdete Daka”.
Kjo parti ka kërkuar edhe reagimin e ambasadave të huaja dhe vëzhguesve ndërkombëtarë që “të dënojnë përpjekjet e partive politike për kapjen e institucioneve të pavarura”./Telegrafi/