Lidhja Demokratike e Kosovës po vazhdon ta kundërshtojë Qeverinë Kurti sa i përket rritjes ekonomike.
Së fundmi, LDK thotë se qeveria po bën propagandë sa i përket rritjes mesatare ekonomike 6.2% në tri vjet qeverisje, transmeton Telegrafi.
“Për të përfunduar me numra sa më impresiv, Qeveria llogaritë dhe rritjen ekonomike në vitin post-pandemik. Pra rritjen e krahasuar me vitin e mbylljes totale e merr si meritë. Pa vitin pandemik dhe atë post pandemik, ekonomia e Kosovës është rritur mesatarisht për vetëm 3.6% në vit. Në 10 vitet paraprake, rritja mesatare vjetore ishte 4.7%”, thuhet në reagimin e LDK-së
Tutje, LDK ka shtuar se nungesa e investimeve kapitale qendrore (vetëm 11% e buxhetit, rekord i ulët historik) e shpërndarja e plot 811 milionë eurove si ndihmë pa efekt, janë arsyet e një rritje kaq të ulët ekonomike.
“Me trendin e kësaj Qeverie, Kosovës i duhen 40 vite për të arritur Kroacinë; plot 80 vite mesataren e Bashkimit Evropian”./Telegrafi/
