Presidenti amerikan, Donald Trump dhe homologu i tij rus, Vladimir Putin, do të takohen në korrik në qytetin gjerman të Hamburgut, deklaroi sot ministri i Jashtëm rus, Sergei Lavrov.
Në korrik Hamburgu do të presë samitin e G20-tës.
Lavrov, i cili takoi sot Trumpin në Uashington, tha se bisedimet e tyre ishin përqendruar mbi bashkëpunimin e mundshëm për Sirinë.
”Vendosja e paqes në Siri është prioriteti më i rëndësishëm”, theksoi Lavrov.