Kryediplomati rus, Sergey Lavrov, thënë se në Ballkan po rriten fuqishëm tensionet dhe se Bashkimi Europian duhet të ndërhyjë për të ndihmuar në mos eskalimin e situatës atje.
Lavrov i ka bërë këto deklarata gjatë një konference për shtyp, ku ka kërkuar që forcat etnike shqiptare të mos jenë prezente në hapësirat e populluara nga serbë në veriun e Kosovës, transmetojnë mediat.
Reagimet e ministrit të Jashtëm rus vijnë menjëherë pas incidentit në fundjavë, ku një tren i nisur nga Beogradi për të shkuar në Mitrovicë dhe i mbushur me parulla si “Kosova është Serbi” shkaktoi tensionimin e menjëhershëm të situatës në kufirin Kosovë-Serbi dhe përdorimin e deklaratave me tone luftarake nga politikanët serbë, nëse do të sulmoheshin qytetarët serbë në Kosovë.