Telegrafi

Lavezzi lojtari më i paguar në botë?

Nuk është as Messi as Ronaldo futbollisti më i paguar në botë. Është sulmuesi argjentinas Ezequiel Lavezzi, i cili më 17 shkurt të këtij viti firmosi një kontratë me klubin kinez, Hebei China Fortune, që i pagoi Paris Saint-Germain 6 milion euro.

Lavezzi ka një kontratë 2-vjeçare shifrat e së cilës i zbuloi Football Leaks. Mendohej se bëhej fjalë për 15 milionë euro, por rroga e lojtarit është shumë më e madhe, në fakt më e madhja në botë.

Sipas 21 faqeve të kontratës së zbuluar, Lavezzi përfiton për 23 muaj shumën e 53 milionë eurove. Kjo i mbetet pasi ka paguar edhe taksat në Kinë. 2,2 milionë euro në muaj rreth 560 mijë në javë. Këto para shkojnë direkt në llogarinë e tij në Luksemburg.

Veç pagës ai ka në dispozicion dy shtëpi, dy makina, një shofer dhe një kuzhinier, transmeton TvKlan.al.

Ronaldos me 430 mijë euro në javë dhe Messit me 320 tashmë do t’u duken thërrime pagat e tyre në krahasim me rrogën e Lavezzi i cili pati deklaruar se shkonte në klubin aziatik pasi i pëlqente kultura kineze.