Kanë vazhduar sukseset e xhudos kosovare, Laurina Gashi e argjendtë në Kupën Evropiane për kadet që po mbahet në Zagreb.
Xhudistja Laurina Gashi në xhiron e parë ishte e lirë, ndërsa në xhiron e dytë mposhti me Wazaari turken, Gizem Dincer.
Në raundin e tretë ajo mposhti me Wazaari dhe Ippon, garuesen nga Bosnja e Hercegovina, Narin Handan.
Laurina në çerekfinale mposhti me tre dënime për Ippon serben, Bojana Savic.
Me luftë të mirë Gashi vazhdoi edhe në gjysmëfinale, ku mposhti me Wazaari belgen, Camille Sternon.
Në finale ajo humbi me Ippon kundër suedezes Tara Babulfath dhe u stolis me medalje të argjendtë.
Sot u ndesh edhe Muharrem Hyseni e Dion Sharapolli në kategorinë (-66 kg), por që nuk arritën rezultat të madh. /Telegrafi/