Laurent Blanc ka lëvizur më pranë marrjes së drejtimit të skuadrës së Chelseat.
Francezi raportohet se ka nisur bisedimet tashmë me zyrtarët e klubit anglez, të cilët pritet ta shkarkojnë Antonio Conten.
Blanc planifikon të sjellë ish-trajnerin e Marseille dhe Lilles, Franck Passi në Stamford Bridge nëse negociatat janë të suksesshme.
Trajneri është i papunë që nga koha kur u largua në vitin 2016 prej Paris Saint-Germainit, ku dështoi objektivin kryesor – Ligën e Kampionëve.
Sytë kah ish-futbollisti i Francës janë drejtuar pasi që Napoli po kërkon tetë milionë euro për lirimin e Maurizio Sarrit, i cili u zëvendësua me Carlo Ancelottin.
Chelsea gjithashtu është ndjekur disa prej lojtarëve duke përfshirë sulmuesin polak Robert Lewandowskin.
Mbetet të shihet se si do të zgjidhet saga e trajnerit të The Blues, nëse do të vazhdohet me italianin apo jo. /Telegrafi/