Ambasadori i SHBA-së në Estoni, James Melville ka njoftuar se do të jep dorëheqje, pasi siç deklaroi, është i zhgënjyer me qëndrimin e presidentit të SHBA-së, Donald Trump ndaj aleatëve evropianë.
Njoftimi vjen përpara mbajtjes së samitit të NATO-s në Bruksel më 11 dhe 12 korrik, i cili është më i vështiri, pasi presidenti Trump pretendon se Evropa po e shfrytëzon SHBA-në duke mos dhënë kontributin e saj të duhur në mbrojtje, përcjell Telegrafi
Ambasada e SHBA-së në Talin njoftoi se diplomati i karrierës do të tërhiqet në fund të korrikut, pas përfundimit të detyrës trevjeçare në Estoni.
Ambasadori James Melville, që ka shpërbyer si i dërguar i SHBA-së në Talin që prej vitit 2015, përmes një postimi në Facebook bëri publik pensionimin e tij.
Ai ka shkruar se për një kohë të gjatë po planifikonte që të largohej nga detyra, por vendimi i tij për t’u pensionuar është shtyrë nga komentet e fundit publike të Trumpit mbi BE-në dhe kritikat ndaj NATO-s.