Koleksioni më i fundit Ivy Park x Adidas i Beyonce – i quajtur festivisht Halls of Ivy – u lansua të enjten dhe ishte i disponueshëm ekskluzivisht në adidas.com për 24 orë përpara se të dalë në shitësit globalë sot, më 10 dhjetor.
Bashkëpunimi i pestë i shumëpritur mes superyllit dhe gjigantit të veshjeve sportive përmban gjithsej 89 veshje, 11 aksesorë dhe katër stile këpucësh.
Ndërsa linja ka shumë veshje aktive të firmës si: dollakë, sytjena sportive dhe kapuç, ka edhe opsione më magjepsëse në përzierje, duke përfshirë një pallto me tegela të gjatë deri në dysheme.
Përveç fustanit të modeluar nga Beyonce teksa paralajmëronte koleksionin, ka edhe një trupore lëkure, xhaketa dhe disa funde.
Pas publikimit të Ivy Park Rodeo në gusht, i cili përfshinte versione për fëmijë, Halls of Ivy do të përfshijë gjithashtu dizajne për fëmijë. /Telegrafi/