Të kapur për dore në një shtrat – të mbushur me tuba – ky çift i moshuar ishte në gjendje t’i thoshin njëri-tjetrit lamtumirën e fundit në spital – ku të dy po trajtoheshin për coronavirus.
Sipas mediave të huaja, përcjell Telegrafi, Gerry Jarrett, 79 vjeç dhe gruaja e tij Barbara, 76 vjeçe, kanë qenë në pavijone të ndara në Spitalin Frimley Park, Surrey – Angli, pasi që u pranuan me virusin dy javë më parë.
Kur gjendja e zonjës Jarrett u përkeqësua të martën, spitali lejoi çiftin nga Bracknell, Berkshire, të kalonin një kohë të çmuar së bashku pasi ajo ‘dukej se ishte drejt fundit’.
Duke përshkruar bashkimin e tyre, vajza e tyre Chloe Keljarrett i tha BBC: ‘Babai u fut me karrocë, duke qarë, i preku dorën dhe sytë e saj u hapën. Ajo ishte zgjuar dhe e ndritshme dhe mund të fliste’.
Zonja Keljarrett tha se prindërit e saj ishin bashkë për 50 vjet dhe falënderoi spitalin për përpjekjet e tyre ‘të pabesueshme’ për të lejuar babanë e saj të ndante më shumë momente me gruan e tij.
Keljarrett, një mësuese në Shkollën Brakenhale, tha që prindërit e saj arritën të shiheshin përsëri të mërkurën ‘për një ose dy orë të çmuara shtesë’.
Ajo shtoi se babai i saj po tregonte shenja përmirësimi por kishte ‘një udhëtim shumë të gjatë për të bërë deri në fund’. /Telegrafi/