Hakim Ziyech ka filluar shkëlqimin te Chelsea pasi mungoi në fillim të edicionit për shkak të Covid-19 dhe lëndimit.
Mesfushori i avancuar maroken po tregohet vendimtar për Chelsean me golat e asistimet e tij.
Në ndeshjen e fundit ndaj Sheffield United që Chelsea e fitoi me rezultat bindës 4-1, Ziyech kontribuoi me dy asistime.
E falë paraqitjeve fantastike të tij, trajneri Frank Lampard ka folur fjalë të mëdha për marokenin.
“Ziyech është një yll botëror. Është edhe më impresionuese kur punon me një lojtar të tij. Do të jetë një lojtar i madh për ne në të ardhmen. Ai është një futbollist i kompletuar”, ka thënë Lampard.
Trajneri anglez ka thënë se i nevojiten klubit lojtar të tillë si Ziyech, teksa në fund ka lavdëruar edhe repartin e mesfushës.
“Më duhen në skuadër lojtarë të nivelit të Ziyech, por është e vështirë të gjesh kësi lojtarë. Sa i përket mesfushës mund të them se jam i kënaqur pasi të gjithë janë në formë”, ka mbyllur tekniku anglez.
27-vjeçari ka zhvilluar shtatë ndeshje deri më tani me Chelsean, ku ka shënuar dy gola e ka bërë katër asistime. /Telegrafi/
