Ky nuk është as një paraqitje jozyrtare, as një thashethem, por një gjë e vërtetë.
Lamborghini njoftoi personalisht lajmin e madh dhe konfirmoi pa mëdyshje, “Countach i ri po vjen”.
Lajmi sapo është postuar në mediat sociale, dhe shoqërohet me një video ku mund të shohim një seri posterash klasikë me Countach.
Më në fund, skica e veturës së re mund të shihet për një moment, së bashku me mesazhin e qartë të përmendur më parë.
Skicat e veturës sportive shoqërohen me një sërë pyetjesh nga fansat, nga fakti nëse do të jetë vetëm një koncept deri tek fakti nëse është një veturë në e bazuar në Aventador.
Siç qëndrojnë gjërat tani, Aventador Ultimae është modeli më i fundit V12 i Lamborghini, por V12 do të mbetet në ofertë si pjesë e shtytjes hibride. /Telegrafi/