Një nga tetë makinat Veneno Roadster që janë prodhuar para dy vitesh, është vënë në shitje për 4.9 milionë euro.
Ky model nga Lamborghini që ka një pamje unike dhe një fuqi shumë të madhe, është përdorur vetëm pak nga pronari, transmeton Telegrafi.
Deri më tani, në orën e makinës figuron se është vozitur vetëm 90 kilometra.
Nuk bëhet e ditur pse është përdorur kaq pak ky Veneno që është i destinuar për rrugë të hapur.
Por, blerësit potencial që duan ta kenë, duhet të përgatiten sepse çmimi megjithëse marramendës, ka mundësi të jetë edhe më i lartë, shkaku i kërkesës së madhe. /Telegrafi/
