Pengon marrëdhëniet intime dhe zvogëlon gjatësinë, këto janë simptomat!
Sëmundja Peyronie apo lakimi i organit gjenital te meshkujt është gjithnjë e më i shpeshtë, mos i injoroni simptomat.
Sëmundja Peyronie karakterizohet me shfaqjen e nyjës apo gungës në një pjesë të organit gjenital. Më së shpeshti gjenden pranë rrënjës, gjë që shfaqet lakimi gjatë ereksionit.
Mjekët theksojnë që kjo sëmundje është gjithnjë e më e shpeshtë te meshkujt, të cilët lakimin e organit gjenital nuk e marrin seriozisht, transmeton Telegrafi.
Sëmundja Peyronie mund ta bëjë pothuajse të pamundur seksin, pra në rastet ekstreme është i nevojshëm operacioni.
Kjo dukuri bën që organi gjenital mashkullor të lakohet në mënyra jonormale dhe sa më shumë kohë kalon dhe nuk shërohet, mund të bëhet edhe më keq.
Edhe pse ende nuk është konstatuar se çfarë saktësisht e shkakton sëmundjen Peyronie, besohet që shkaktohet me lëndimet e përsëritura të organit gjenital, më së shpeshti gjatë marrëdhënies intime.
Mirëpo, kjo nuk është gjithmonë kështu. Janë në vazhdim e sipër hulumtimet të cilat do të përcaktojnë nëse ka të bëjë edhe me gjendjet tjera, siç janë çrregullimet e indit lidhor. Sipas të dhënave, 4 nga 100 meshkuj të moshës 40 deri në 70 vjeç vuajnë nga sëmundja Peyronie, e cila mund të shfaqet në çdo moshë.
Simptomat
Lakime të lehta mund të jenë normale dhe nuk shkaktojnë shqetësim, por burrat duhet të jenë ende në vëzhgim për çdo ndryshim të rëndësishëm në formë dhe madhësi, pasi simptomat mund të shfaqen gradualisht.
Këto janë simptomat kryesore:
▪ prania e indeve të forta
▪ përkulje (deformim)
▪ shkurtim i gjatësisë së organit gjenital
▪ ereksione të dhimbshme
▪ marrëdhënie intime e vështirë ose krejtësisht e pamundur
▪ disfunksioni erektil
Mjekimi
Trajtimi ka shumë të ngjarë të përfshijë marrjen e medikamenteve për 12 muajt e parë për të parë nëse ka ndonjë përmirësim përpara se të kaloni në injeksione. Kjo gjendje zakonisht stabilizohet pas tre deri në 12 muaj, ndërsa dhimbja e përjetuar gjatë ereksionit zakonisht largohet pas një ose dy vjetësh. Në raste ekstreme, trajtimi i vetëm për sëmundjen Peyronie mund të jetë operacioni. /Telegrafi/