Los Angeles Lakers kanë vazhduar me fitore në elitën e basketbollit amerikan NBA.
Në sfidën e radhës, Lakers u takuan me Washtington Wizards dhe kanë triumfuar me vetëm dy pikë diferencë 119:117.
Vendasit në këtë ndeshje kishin mungesën e madhe të Anthony Davis, mungesë që është vërejtur shumë në parket.
Gjithsesi ishte LeBron James që e mori skuadrën për dore për ta udhëhequr drejt fitores së 13-të këtë edicion me 33 pikë, shtatë kërcime e nëntë asistime.
Me lojë të mirë u dallua edhe Walker me 21 pikë, derisa Bryant shtoi 16 të tjera dhe 10 kërcime për fitoren e Lakers.
Bradley Beal ishte më efikasi te skuadra mysafire me 29 pikë, derisa Kyle Kuzma shtoi 22 pikë e 16 kërcime. /Telegrafi/
