Janë zhvilluar ndeshjet e xhiros së radhës në elitën e basketbollit amerikan NBA.
Los Angeles Lakers kanë vazhduar me fitore, teksa para tifozëve të vet kanë triumfuar përballë Toronto Raptors me 20 pikë diferencë 123:103.
Austin Reaves ishte më i miri në këtë takim me 27 pikë, derisa Anthony Davis shtoi 22 të tjera.
LeBron James ka shkëlqyer në këtë sfidë duke arritur shifrën magjike ‘triple-double’ me 19 pikë, 10 kërcime e 16 asistime.
Te mysafirët më efikasit ishin dyshja kanadeze Barret e Boucher me nga 18 pikë, por që nuk mjaftuan për fitore. /Telegrafi/
