Askush nuk i ka pritur, por Los Angeles Lakers po tregojnë se janë një skuadër shumë e fuqishme.
Të udhëhequr nga dyshja LeBron James dhe Anthony Davis, Lakers kanë marrë fitoren e tretë ndaj Warriors me tre pikë diferencë 104:101.
Ka qenë një ndeshje shumë interesante me Warriors që krijuan epërsinë më të madhe me plus 12 pikë në çerekun e tretë, por pa arritur ta mbajnë këtë epërsi.
LeBron James ka qenë vendimtar në fitoren e Lakers me 27 pikë, nëntë kërcime e gjashtë asistime.
Anthony Davis pati paraqitje të shkëlqyer me 23 pikë, 15 kërcime, dy asistime dhe tre topa të vjedhur.
Ndërkohë ndeshje të madhe bëri edhe Austin Reaves me 21 pikë, derisa Lonnie Walker ishte fantastik me 15 pikë.
Te mysafirët më i miri padyshim ishte Steph Curry me ‘triple-double’ ku realizoi 31 pikë, 10 kërcime e 14 asistime.
Fitoren e tretë e ka marrë edhe Miami Heat ndaj New York Knicks 109:101 dhe tani udhëheq me rezultat 3-1.
Jimmy Butler ishte më meritori për këtë fitore me 27 pikë, deri Bam Adebayo kontribuoi me 23 të tjera. /Telegrafi/
