Pas tri humbjeve radhazi, Los Angeles Lakers janë rikthyer te fitoret në elitën e basketbollit amerikan NBA.
Toronto Raptors ishte nikoqir i LA Lakers, derisa u desh të luhej koha shtesë për tu përcaktuar fituesi.
Koha e rregullt përfundoi me rezultat të barabartë 116:116, derisa pas vazhdimeve Lakers triumfuan me pesë pikë diferencë 123:128.
Si gjithmonë, LeBron James ka qenë më efikasi për Lakers me 36 pikë, nëntë kërcime e shtatë asistime.
Russell Westbrook arriti ‘Triple-Double’ me 22 pikë, 10 kërcime e 10 asistime, derisa Wenyen Gabriel kontribuoi me 17 pikë të tjera.
Tek skuadra vendase më efikasi ishte Scott Barnes me 31 pikë, 17 kërcime e gjashtë asistime, por që nuk mjaftuan për fitore. /Telegrafi/
