Janë zhvilluar dy ndeshje fantastike natën e mbrëmshme në elitën e basketbollit amerikan NBA.
Derbi i Los Angelesit i ka takuar përsëri Clippers, që kanë triumfuar në udhëtim te Lakers me gjashtë pikë diferencë 97:103.
Ishte kjo ndeshja e tetë radhazi derbi që fitohet nga Clippers në NBA.
Plot gjashtë basketbollistë të mysafirëve shënuan pikë dyshifrore, derisa Paul George dhe John Wall shënuan nga 15 pikë.
Loonie Walker ishte më efikasi te vendasit me 26 pikë, derisa Anthony Davis shtoi 25 të tjera, por që nuk mjaftuan për fitore.
Ndeshje shumë interesante u zhvillua edhe në Wells Fargo Center të Philadelphias, ku 76ers pësuan humbje me dy pikë diferencë nga Milwaukee Bucks 88:90.
Giannis Antetokounmpo ishte më meritori për fitoren e mysafirëve me 21 pikë, 13 kërcim e tetë asistime.
Te vendasit James Harden pati paraqitje spektkaolare me 31 pikë, por që në fund nuk mjaftuan për fitore. /Telegrafi/
