Los Angeles Lakers ka pësuar humbjen e dytë radhazi në NBA, teksa është mposhtur nga New York Knicks me pesë pikë diferencë 119:124.
Ka qenë një ndeshje e barabartë dhe me një fund dramatik, ku Knicks arritën të shkaktonin befasi duke marrë fitoren në udhëtim.
Jalen Brunson ishte më meritori për këtë fitore të mysafirëve me 29 pikë, derisa Julius Randle shtoi 27 të tjera dhe 14 kërcime.
Te skuadra vendase Anthony Davis ishte më efikasi me 32 pikë e 14 kërcime.
In the East 👀
Cavs and Knicks pick up win no. 15 pic.twitter.com/2V4kLkhHiR
— NBA (@NBA) December 19, 2023
LeBron James arriti shifrën e ‘triple-double’ me 25 pikë, 11 kërcime e 11 asistime, por që në fund nuk mjaftuan për fitore.
Ndërkohë skuadra tjetër nga California, Los Angeles Clippers ka marrë fitoren e tetë radhazi, pasi kanë triumfuar në udhëtim te Indiana Pacers me rezultat 127:151.
James Harden ishte fantastik me 35 pikë e nëntë asistime, derisa Kawhi Leonard me 28 dhe Paul George me 27 të tjera dhanë kontribut të madh në këtë fitore të Clippers. /Telegrafi/
