Los Angeles Lakers kanë vazhduar me paraqitje të mira këtë edicion në NBA.
Largimi i Larry Nance dhe Jordan Clarkson në drejtim të Clevelandit nuk ka ndikuar fare tek skuadra e Luke Walton.
Në ndeshjen e zhvilluar në ‘Staples Center’, Lakers kanë triumfuar ndaj Oklahoma City Thunder me rezultat të thellë 106-81.
Mysafirët kishin mungesa si Rusell Westbrook e Carmelo Anthony ndërsa për vendasit nuk u paraqitën transferimet e fundit ai Isiah Thomas dhe Frye.
Caldwell Pope me 20 pikë dhe Brandom Ingram me 19 të tjera ishin më efikasit tek vendasit.
Me paraqitje të mirë u dalluan edhe Julius Randle me 17 pikë dhe ‘Rookie’, Kyle Kuzma që shtoi 16 pikë e nëntë kërcime.
Paul George ishte më efikasi te Thunder me 29 pikë por i vetëm nuk arriti të bëjë diferencën në këtë sfidë.
Tani LA zë pozitën e 11 në Konferencën e Perëndimit me 23 fitore e 31 humbje dhe po synon të përfundoj në tetë pozitat e para për të marrë pjesë në ‘Play-Off’.
Pas dy humbjeve radhazi tek fitoret është rikthyer edhe kampioni në fuqi Golden State Warriors.
Të udhëhequr nga Kevin Durant, Warriors mposhtën Dallas Mavericks me rezultat të thellë 121-103.
Durant shënoi 24 pikë pati nëntë kërcime e katër asistime në këtë takim.
Ndeshje të mirë tek vendasit zhvilluan edhe Steph Curry me 20 pikë e Klay Thompson me 18 të tjera.
Fundori Dennis Smith JR ishte koshashënuesi kryesor i Mavericks me 22 pikë të realizuara. /Telegrafi/
Rezultatet:
Golden State Warriors – Dallas Mavericks 121-103
LA Lakers – Oklahoma City Thunder 106-81
Washington Wizards – Boston Celtics 104-110 (ot)
Portland Trail Blazzers – Charlotte Hornets 109-103 (ot)
Toronto Raptors – New York Knicks 113-88
Orlando Magic – Atlanta Hawks 100-98
