Los Angeles Lakers kanë vazhduar me fitore në NBA, duke marrë të shtatën radhazi.
Skuadra nga Kalifornia ka triumfuar para tifozëve të vet përballë Miami Heat me 15 pikë diferencë, 95:80.
Anthony Davis me 26 pikë, tetë kërcime e shtatë asistime ishte më meritori për këtë fitore të LA.
Me lojë të mirë u dallua edhe LeBron James që shtoi 25 pikë, katër kërcime e gjashtë asistime.
Tek Heat më efikasi në këtë takim ishte Jimmy Butler me 22 pikë, por që nuk mjaftuan për fitore.
Fitore ka shënuar edhe kampioni në fuqi i NBA, Toronto Raptors që ka mposhtur në udhëtim New Orleans Pelicans me rezultat 122:104.
Pascal Siakam ishte i jashtëzakonshëm në këtë takim me 44 pikë, 10 kërcime e katër asistime, ndërsa anglezi Anunoby shtoi 21 pikë të tjera për fitoren e gjashtë të Raptors këtë edicion në NBA. /Telegrafi/
Rezultatet:
Indiana Pacers – Detroit Pistons 112:106
Washington Wizards – Cleveland Cvaliers 100:113
Orlando Magic – Memphis Grizzlies 118:86
Atlanta Hawks – Sacramento Kings 109:121
Minnesota Timberwolves – Golden State Warriors 125:119
New Orleans Pelicans – Toronto Raptors 104:122
Dallas Mavericks – New York Knicks 102:106
Utah Jazz – Milwaukee Bucks 103:100
Denver Nuggets – Philadelphia 76ers 100:97
Portland Trail Blazers – Brooklyn Nets 115:119
LA Lakers – Miami Heat 95:80
