Gjatë mësimit online 95 për qind e nxënësve në Pejë ishin aktiv.
Drejtoresha e shkollës fillore “Asdreni” në Pejë, Agime Lajqi tha se të kënaqur me këtë metodë mësimi janë prindërit dhe nxënësit.
“Ne menjëherë kemi filluar me planin dhe programin e punës në kuadër të shkollës. Pastaj në kuadër të angazhimit që ka nxjerrë Ministria e Arsimit përmes platformës online të mësimit në televizion. Ne prej gjashtë vitesh jemi të përfshirë në zbatimin e kurrikulave të reja”.
Lajqi megjithatë thotë se ka pasur laramani në zbatimin e planeve mësimore pasi sipas saj ka pasur mësime që nuk janë në planin mësimorë e të tjera që janë përsëritur dy herë.
“Kur flasim për mësimin ka dallime pasi ato nuk po i sheh asnjëherë Ministria e Arsimit. Unë e kam ngritur zërin dhe kam thënë se duhet të punohet pasi ka pasur laramani të planit dhe programit mësimorë. Ka pasur njësi që janë përsëritë dhe njësi të tjera që nuk kanë qenë në tekstet mësimore”, tha ndër të tjera Agime Lajçi./Telegrafi/