Një numër i madh i tifozëve të Napolit janë mbledhur para një hoteli në 3:00 të mëngjesit, pas lajmeve se Edinson Cavani ndodhet në qytetin e tyre.
Është spekuluar se uruguaiani mund të largohet nga Paris Saint-Germaini dhe se presidenti i klubit italian, Aurelio De Laurentiis, e ka ftuar atë që të bisedojë për një rikthim në Stadio San Paolo.
Më pas Canale 21 raportoi se sulmuesi ndodhet në Hotel Vesuvio duke bërë që tifozët e Napolit të grumbulloheshin para hotelit me shpresën se do ta shihnin heroin e tyre.
Mirëpo, gjasat janë minimale që Cavani të kthehet te skuadra e Serie A. Ai i iu shit PSG-së në vitin 2013 për 64.5 milionë euro dhe ka kontratë deri në vitin 2018. Për më shumë, kampioni francez ka mbetur edhe pa Zlatan Ibrahimovicin që zgjodhi të shkonte te Manchester Unitedi.
Ndryshe, Partenopei janë në kërkim të një sulmuesi që do të zë vendin e Gonzalo Higuainit, i cili u transferua te Juventusi këtë verë. /Telegrafi/