Kjo organizatë në editorialin më të ri të magazinës së rregullt mujore, ka publikuar takimin që ka zhvilluar Bordi i SHGSK-së me presidentin e AIPS-ës, Gianni Merlo.
Ndër të tjera në shkrim thuhet se Komiteti Ekzekutiv ka debatuar rreth statutit të SHGSK-së në mbledhjen e mbajtur këtë muaj në Bahrein.
Ndërsa, për pranimin me të drejta të plota pranë këtij organizmi do të vendoset në Shkurt, në kongresin e AIPS-së që mbahet në Doha të Katarit në Shkurt, ku pritet të jenë prezent përfaqësuesit e Shoqatës.
SHGSK, e cilëson këtë hap jashtëzakonisht të rëndësishëm për gazetarinë sportive kosovare dhe shpreson që nga viti i ardhshëm të gjithë gazetarët të kenë status të barabartë me kolegët e tyre në mbarë botën.