Kryetari i Këshillit Nacional Shqiptar (KNSh), Nevzad Lutfiu bashkë me deputetin shqiptar në Parlamentin e Serbisë, Shaip Kamberin kanë takuar emisarin e Bashkimit Evropian (BE), Miroslav Lajçak.
Lajçak përmes një postimi në platformën “X” ka thënë se të drejtat e njeriut dhe ato të pakicave janë çështje kyçe në procesin e integrimit evropian.
“Si pjesë e ndërveprimeve të mia të rregullta me Ballkanin Perëndimor, pata një takim të dobishëm me Shaip Kamberin në Bruksel. Diskutuam tema të rëndësishme, duke përfshirë të drejtat e njeriut dhe të pakicave, të cilat janë çështje kyçe në procesin e integrimit evropian”.
Ndryshe, kryetari i Këshillit Nacional Shqiptar (KNSh), Nevzad Lutfiu tha se e informuan Lajçakun edhe për mosgatishmërinë e Serbisë për të integruar shqiptarët nëpër institucione shtetërore.
“E njoftuam Lajçak për hezitimin dhe mosgatishmërinë e shtetit për të integruar shqiptarët nëpër institucione shtetërore e për gatishmërinë që sistemi shtetëror e ka treguar për pasivizimin e adresave të shqiptarëve”, ka shkruar Lutfiu./Telegrafi/
As part of my regular interactions with the Western Balkans, I had a useful meeting with @shkamberi in Brussels. We discussed important topics, including human and minority rights, which are key issues in the European integration process. pic.twitter.com/h1wkobqcbm
— Miroslav Lajčák (@MiroslavLajcak) April 5, 2024