Lady Gaga ka kohë që ka ngritur zërin dhe ka përdorur platformat e saj të rrjeteve sociale për të folur rreth çështjeve që kanë të bëjnë më njerëzit dhe jetën e tyre.
Dhe fituesja 11 herë e ‘Grammy’ ka nxitur dhe inkurajuar së fundmi fansat për të ngritur zërin e tyre në zgjedhjet e ardhshme.
Ajo zbuloi të dielën se nënshkroi emrin e saj të inskenuar në fletën e votimit, ndërsa paralajmëroi 44.6 milionë ndjekësit që të mos bënin të njëjtin gabim.
34-vjeçarja postoi një selfie të mrekullueshme ku shfaqet e buzëqeshur me një triko të shkurtër të bardhë, teksa vuri në pah barkun e tonifikuar.
“Gëzuar të dielën! Po dërgoj dashuri dhe po ua kujtoj se nënshkrimi juaj në fletën tuaj të votimit duhet të përputhet me emrin e vërtetë që jeni e regjistruar në shtetin tuaj”.
“Kur duhet të nënshkruaj dokumente ligjore, e përsëris Stefani Germanotta pa pushim në kokën time që të mos nënshkruaj aksidentalisht si Lady Gaga”.
“Unë do të shmang atë gabim dhe do të sigurohem që vota ime të llogaritet. Drejtohuni tek Vote.org për të marrë të gjitha votat përmes rregullave të postës, afateve dhe informacioneve të tjera të renditura shtet pas shteti”, vazhdoi Gaga.
Gjatë këtyre ditëve, reagimet e të famshmëve kanë qenë të shumtë në lidhje me zgjedhjet e ardhshme duke shprehur mbështetjen e tyre për liderët politikë.
Taylor Swift haptazi ka shprehur përkrahjen e saj për Joe Biden, ndërsa vazhdon çdo ditë të inkurajojë fansat që të votojnë.
Lady gjithashtu i është bashkuar iniciativës së Tracee Ellis Ross, Chelsea Handler dhe Kerry Washington. /Telegrafi/