Këngëtaret e njohura, Lady Gaga dhe Ariana Grande, kanë publikuar bashkëpunimin e shumëpritur.
Ky projekt sipas Gagas është një metaforë sesi ajo po përdorte alkoolin dikur për të mpirë veten, shkruan Daily Mail.
Duke shpjeguar më shumë rreth albumit të ri, “Cromatica”, krijuesja e hitit “Shallow” tha: ” ‘Rain ON Me’ është gjithashtu një metaforë për lotët dhe për sasinë e alkoolit që po merrja për të mpirë vetveten”.
Gaga, emri i vërtetë i të cilës është Stefani Joanne Angelina Germanotta, tha që të punosh me Ariana ishte një “proces shumë shërues”, duke thënë se sa freskuese ishte për të që të bashkëpunonte me një artiste femër.
Përmes rrjetit social Instagram, dyshja kanë ndarë imazhe të shkëputura nga xhirimet e klipit të këngës.
Për një kohë shumë të shkurtër, projekti muzikor “Rain On Me” ka marrë mbi dy milionë klikime në platformën YouTube. /Telegrafi/
