Lady Gaga tashmë ka vendosur të dalë publikisht më të dashurin e saj të ri, Michael Polansky. Këtë e ka bërë gjatë pjesëmarrjes në Hard Rock Stadium në Miami Gardens të Floridës në kuadër të Super Bowl.
Këngëtarja dhe i dashuri i saj i ri janë fotografuar gjatë largimit nga stadiumi, ku e kishin përcjellë ndeshjen ndërmjet Kansas City Chiefs dhe San Francisco 49ers, si pjesë e evenimentit të popullarizuar në Amerikë.
33-vjeçarja dhe partneri i saj janë fotografuar krah për krah dhe kjo shënon daljen e parë të tyre publike si çift.
Page Six ka njoftuar se i dashuri i ri i Gagas është një i diplomuar në Harvard dhe ish-investitor, i cili aktualisht punon si shef ekzekutiv në kompaninë Parker Group, pronar i të cilës është bashkëthemeluesi i Facebookut, Sean Parker.
Të shtunën mbrëma, këngëtarja kishte performuar në Island Gardens të Miamit, në kuadër të para-ndejës së Super Bowl. /Telegrafi/
