Superylli i Real Madridit, anglezi Jude Bellingham është dënuar me dy ndeshje mos lojë nga La Liga pas kartonit të kuq ndaj Valencias.
Bellingham është i vendosur për një tjetër periudhë jashtë fushe për Real Madridin pasi u ndëshkua me dy ndeshje pezullim.
Mesfushori 20-vjeçar është sanksionuar për kartonin e kuq kundër Valencias në barazimin e diskutueshëm 2-2.
Reprezentuesi anglez u përjashtua me karton të kuq për shkak të mosmarrëveshjes dhe debatit me gjyqtarin Gil Manzano.
Bellingham mendoi se kishte shënuar golin e fitores në minutat shtesë, por gjyqtari tashmë kishte dhënë vërshëllimën e fundit.
It's bad news for Jude Bellingham ❌ pic.twitter.com/XQl5HuTDhf
— BBC Sport (@BBCSport) March 6, 2024
Kështu, Bellingham pritet të mungojë në dy ndeshjet e ardhshme të Read Madridit në ligë kundër Celta Vigo dhe Osasuna më 10 dhe 16 mars respektivisht.
Ndryshe, anglezi ka shënuar 20 gola dhe ka dhënë tetë asistime në të gjitha garat këtë sezon për Real Madridin, pasi nënshkroi për rreth 103 milionë euro nga Borussia Dortmund verën e kaluar. /Telegrafi/