Kylie Jenner ka ndezur rrjetet sociale duke prezantuar koleksionin më të ri të markës së saj ‘Khy’, në bashkëpunim me Poster Girl.
Në një seri fotografish të publikuara në Instagram, ajo u shfaq me fustane latex dhe veshje të guximshme, duke tërhequr menjëherë vëmendjen e ndjekësve të saj.
Ylli i realitetit pozoi në një BMW kabriolet, e veshur me një minifustan të zi latex, të ngushtë dhe me prerje të thellë, shkruan DailyMail.
Nëna e dy fëmijëve më pas ndau edhe pamje me një fustan të bardhë dhe një dycopëshe të guximshme, duke shfaqur një pamje tërësisht sensuale dhe elegante.
Koleksioni i ri përfshin fustane, trupa dhe funde latex në tre ngjyra – të kuqe, të zezë dhe nude – me çmime që variojnë nga 148 deri në 278 dollarë (afërsisht në 135 deri në 255 euro).
Jenner e përshkroi këtë si “koleksionin e saj më seksi”, duke theksuar se ka bashkëpunuar ngushtë me dizajneret Natasha Somerville dhe Francesca Capper për të sjellë një linjë veshjesh që kombinojnë sofistikimin me sensualitetin.
Kylie, e cila ka ndjekur hapat e motrave të saj Kim dhe Kourtney Kardashian në botën e modës, deklaroi se tani po shijon më shumë stilin e saj personal dhe po eksperimenton me pamje të reja.
Koleksioni Khy x Poster Girl do të jetë i disponueshëm nga data 18 mars në khy.com. /Telegrafi/
