Ajo ka mahnitur të gjithë në Met Gala që nga viti 2016. Por, nuk do të marrë pjesë në festimin e këtij eventi që mbahet sonte (e hënë).
“Jam shumë e trishtuar që nuk mund ta arrij këtë vit. Mezi pres të shoh të gjitha dukjet”, njoftoi Kylie Jenner adhuruesit, në InstaStory, shkruan DailyMail.
Ndërsa, Kylie nuk specifikoi pse nuk do të merrte pjesë në shfaqje, por, motrat e saj të famshëm ka të ngjarë të jenë të pranishëm, pasi Kim Kardashian dhe Kendall Jenner të dy janë aktualisht në New York, ku mbahet shfaqja.
Cilado qoftë arsyeja e mungesës së saj, Kylie padyshim që po ndihej sentimentale për përvojën pasi postoi një seri fotografish të shkrepura në shfaqjet e mëparshme të Met Gala.
Kylie nuk i ka munguar vëmendja që kur filloi të marrë pjesë për herë të parë në vitin 2016, ku u shfaq me fustan argjendi “Balmain”.
24-vjeçarja vazhdoi trendin e shkëlqimit vitin e ardhshëm me një fustan metalik “Versace”.
Në vitin 2018 ajo shkoi për një dukje më të çuditshme me fustanin të zi, të gjatë me nuanca metalike. Ajo u bashkua në tapetin e kuq nga i dashuri i saj, Travis Scott.
Kylie kishte paraqitjen më të paharrueshme në vitin 2019 kur ajo tronditi Met Gala në një fustan elegant ngjyrë vjollcë që shfaqte dekoltenë dhe këmbët e saj në materialin e tejdukshëm.
Këtë vit Met Gala do të jetë ndryshe nga të tjerët, me mysafirë të cilët thuhet se janë Beyonce, Jennifer Lopez dhe Camila Cabello, që duhet të tregojnë dëshmi të vaksinimit para se të hyjnë.
Ky njoftimi vjen më pak se një javë që kur Kylie njoftoi se po priste fëmijën e saj të dytë me Travis.
Kylie njoftoi se po priste fëmijën numër dy me një video emocionale të postuar në llogarinë e saj në Instagram. /Telegrafi/