Muajin e kaluar, Kylie Jenner u kërkoi 171 milionë ndjekësve të saj në Instagram që të qëndrojnë në shtëpi për të ndihmuar në luftën kundër COVID-19.
Por, mogulja e kozmetikës injoroi këshillat e saj të dielën, ndërsa u pa në Beverly Hills duke i bërë një vizitë mikes së saj, Stassie Karanikolaou.
Fytyra e freskët e Kylie, 22-vjeçare, dukej thuajse tërësisht ndryshe me flokë natyrale e po ashtu edhe me veshje sportive.
Kylie dukej e qetë dhe e lumtur dhe siç shihet po e shijonte ditën jashtë shtëpisë, megjithë mungesën e konturave në buzë.
Aq e thjesht ishte Jenner saqë nuk shqetësohej pa çorape dhe pa këpucë teksa futej në makinën luksoze të saj, Mercedes G-Wagon.
Ndërkohë, Kylie ka qëndruar shumë shpesh me ish-të dashurin e saj, Travis Scott mes pandemisë së coronavirusit.
Ylli i “Keeping Up with the Kardashians” dhe reperi 27-vjeçar – të cilët kanë së bashku vajzën dy vjeçare Stormi – u ndanë vitin e kaluar, por kanë kaluar më shumë kohë së bashku në muajt e fundit, me disa zëra që zhurmojnë për një pajtim të mundshëm. /Telegrafi/
