Kyle Walker ka dhënë mendimin e tij sa i përket luftës për titull në Ligën Premier mes Arsenalit dhe Liverpoolit këtë sezon.
Ylli i Manchester Cityt është optimist për gjasat e ekipit të tij dhe ka pranuar se lëndimet mund të jenë një pengesë për rivalët e tyre.
“Ne e njohim Ligën Premier, kemi qenë këtu për shumë vite, dhe kemi parë shumë e shumë kthesa, ulje dhe ngritje”, ka thënë fillimisht Walker.
“Kështu që ka shumë futboll për t’u luajtur siç thoni, ka ndeshje shumë të rëndësishme për t’u luajtur dhe shpresoj për Man Cityn se ne do të fitojmë titullin e katërt radhazi, që askush nuk e ka bërë”.
“Në mesin e gjithë kësaj, ne kemi FA Cup, kemi Ligën e Kampionëve, do të ketë lëndime, do të ketë pengesa, dhe ju duhet të menaxhoni çdo ndeshje që vjen. Unë kam besim të madh tek kjo”.
“Mos shikoni shumë larg kah e ardhmja, ju duhet të merrni ndeshje pas ndeshje sepse mendoj që është e vetmja gjë që mund të ndikoni”, përfundoi ai.
Tri klubet e mëdha në Ligën Premier i ndanë vetëm një pikë teksa po i afrohemi fundit të sezonit, ndërsa City dhe Arsenali do të luajnë ‘kokë më kokë’ në ndeshjen e ardhshme./Telegrafi/